يا وجودي وجد مكسور الجناح !!!

كل ماغنَا حمام الورق.. ناح
ناح طير الهمَ في قلب المُحب !!
له دوامٍ في سويعات الصباح
ما عمر فاخت ولا عمره هرب
وله لحونٍ لا انقضى صبحي وراح
معتبر كل الثواني من ذهب !!
والبلا : لا غاب نور الشمس لاح
ويل حالي // لا غدا النَور وغرب
أوَل الليلة على : ( لحن الجراح )
وآخر الليلة على : ( طرق التعب )
يا وجودي وجد مكسور الجناح
يوم صيده مايجيبه ياعجب
وياوجودي وجد من شيَب وطاح
واهملوه !! وقبل من روس العرب !!
من سبب خلَ(ن) لبس ثوب الشحاح
واختلف نهجه // وفالدرب انقلب
بعد ورَدته على العَد القراح
وردَه غيري على الشَك وشرب !!
كنَ ما توَجته ابكاس النَجاح ؟!!
بعد ماقلبي حروف اسمه كتب !!
صدق : لاطب الجرب جوف الصحاح
النتيجة كل صاحي للجرب
وصدق : ما يُجمع ورق وسط الريَاح
لو بعد ماد الرياح // ولو قرب
وصدق : ضعف وعيب تقديم السماح
للخطا // دام الخطا ماله عتب
ولايُواجَه من يصايح .. بالصياح
اغلب الاحيان نحتاج الأدب !!
وصدق ما همَ الاسد كثر النباح
ولا يهاب الذيب لا منَه قنب
والبشر ماهي سوا : ( عزم وكفاح )
وكل واحد حسب مجهوده كسب
ولا يفيد اللي خسر كثر النياح
لو حرق دمعه : محاجير وهدب !!
لا تعذَر روح // يالسمَ الذحاح
مابقى لك رقم عندي ينحسب
هامشي في دنيتي ليل وصباح
شي واحد منك باقي منتسب
(الندم) لامن حمام الورق ناح
ليش قلبي خيمته لاجلك نصب !!
وليش جرحك ظل باقي ياسماح !!
في فؤادٍ ما حسب لا طلق شنب
روح باح السدَ // يامال الريَاح
روح // والنيران تاكل فالحطب

صح لساااااااااااااانك ويعطيك العاااافية

سلمت يمناك قمه على قمه

لاخلا ولاعدم

لافض فوك
رائعه جدا